غزل ترکی) ائللریم....
ائللریم! هر گئجه-گوندوز یولوزو گؤزله ییرم
گؤز نه دن اؤترودی؟! یاز-گوز یولوزو گؤزله ییرم
شکّی یوخدور اگه سیز تک یئتیرم بیر گنجه
باکیم اولماز که داهی دوز یولوزو گؤزله ییرم
بیز اولان یئرده سیزه، سیزده اولان یئرده بیزه
کیمسه بولسون ائده قاش-گؤز؟ یولوزو گؤزله ییرم
آسلان آغزی آچیلان یئرده داهی ایت بورنی
سورونر یئرله، بودور سؤز، یولوزو گؤزله ییرم
یوسفی قورد یئیه بولمز، بولورم ایللردی
قالمایارکن بئله یالقیز یولوزو گؤزله ییرم
ایکی یوزلی قارا ایللر منی آزدیرمادیلار
هله ده شوقیله یالنیز یولوزو گؤزله ییرم
قوی ائشیدسین ایلانین جوت گؤزی کور قالماغ ایچون
آلاجاخ باغچانی یارپیز، یولوزو گؤزله ییرم
قوی ائشیدسین آرامیزدا مین آراز پرده چکه
یارییار پرده نی آهیز، یولوزو گؤزله ییرم....
بیر ائلیخ، بایراغیمیز «لا اله الّا اللّه»
نه اوراخ-چکّش ، آی-اولدوز ؟! یولوزو گؤزله ییرم
بیز آییلدیخ کی آزادلیخ گونشین ساچدیردیخ
ایندی کی سیزده آییلدیز یولوزو گؤزله ییرم
