چهارپارۀ ترکی) شبیخون

آللهین آدیله یادیندان سورا

عرض سلام و ادب و احترام

ایسته میرم وقتیزی آرتیق آلام

بیر نئچه بیت عرض ائلیره م والسّلام!

 

بیر نئچه مودّتدی بیزیم کندده

کیمسه دای آللهه حساب وئرمیری

حق سلامیله یاخین دوشموشوق

ایندی بو ایشلر ده جواب وئرمیری

 

هر شئییلن اولمالیدیر جهد ائدیر

نفسینین ایستکلرینه تئز یئته

الحق عجب فاجعه دیر برک گیریب

شیطان اونون جیلدینه او تبلئته!

 

دونیا ماتی مئیخاناسی یا کی خود

سن دئ حسن سوخدی دگیرمانیدی

بیز یئصاحاب قالمیش ایکن یادلارین

جشن شبیخونیدی حیرمانیدی

 

شمر ایله عمر نحس لر

حق دئییلنده سالیری هلهله

زاهد بی علم دوشوبدور تورا

زهدسوز عالیمله وئریب ال اله

 

حرمله لر اوچ پر اوخویلا دوروب

هر نه ییمیز وار الیمیزدن آلا

هم وطن هم دینیله هم حریّت

قویمویا بیر آد بیرسیندن قالا

 

وارلیغیمیز هر اوچونه باغلی دیر

آزجا مین ایلدن بری تعریف اولوب

تفرقه یوخدور آرادا بیزجه چون

بیر_بیره نسبتلری تعریف اولوب

 

بی ادبی اولسا حلال ائیله یین

یا اگه بیردن چوخا چکسه کلام

هر نسه بیزدن دئمق ایدیر موراد

حقّی گؤرن گؤزلره قوربان، تمام!